今天看到blogger KT 的網誌，忍不住要談談「婚前恐懼症」。
眼見不少情侶，在籌備婚禮過程中取消婚禮，甚至分手，其實外人看來很有點唏噓。
不過，如果你是已婚人士，你也極有機會體會過「婚前恐懼症」的滋味。
婚禮過程中，有太多的矛盾要面對。
兩口子，處事方式、對錢銀的觀念不同，對未來的期望，要求不同，很容易會有爭執。
就是兩口子可以妥協，也有雙方家人的要求不同。
比方說，拍婚紗照﹕
男的會說﹕你拍了多少間??夠了沒有。反正都是白婚紗一件，有何分別﹖
女的會說﹕不同形象嘛。amy、betty同ceci都拍左3間啦﹗我都係拍第二間咋嘛。咁都唔俾，到底你係咪愛我........嗚嗚......
又比方說，婚宴地點問題、禮金問題、利是問題、住屋問題、裝修問題、家具問題、兄弟姐妹問題、酒席圍數問題、禮餅問題、化妝問題、租造禮服問題、場地佈置問題、攝影問題......
樣樣都是問題!!!樣樣都可以令男的覺得屈服、女的覺得他不愛我。又或男的覺得麻煩，女的覺得屈就。
屈下，又屈下，再屈下，大家可能就會想﹕
查實，我係咪想結婚??我係咪想同佢結婚??我係想結婚定係想同佢結婚﹖﹖未結都咁煩，點過下半世﹖?佢都唔愛我、睇錢仲緊張過我，點過下半世??佢屋企咁煩，將來點好﹖佢都唔肯融入我屋企，第二時點算﹖佢份人咁固執，將來咪會成日吵吵鬧鬧??.......
兩口子要面對已經夠你煩了。
還要加上其他家人、親人、三姑六婆、朋友、姐妹們的阿支阿佐。
點解無呢又無路﹖點解對方咁煩咁多要求﹖你個女鑲金架﹖你地賣你咩﹖要咁貴禮金﹖點解你個仔做乜乜搵咁多錢都咁孤寒﹖依家你娶老婆唔駛用錢呀﹖不如你入贅丫笨﹖
呢d說話，盡入一對新人的耳朵裡。萬一有天受不住，可能就會埋怨對方。
內外受敵，壓力指數一定大得爆燈。
或許因為這樣，不少人會在這關跌倒了。
很想逃避，不想結婚了。
正面一點想，如果兩口子本來就是夾不來的話，勉強結婚也只會以悲劇告終。
不過，我眼看見更多在婚禮之後風平浪靜地生活下去。
這也可以說是一種經歷，令2人更明白對方、更懂珍惜自己的另一半。
