頂廣告

2010年4月5日星期一

你有壓力、我有壓力,你仲咩挑釁我???

乜都係我。




乜都關我事。



過大禮,買女家回茶禮,阿媽你話人地幾個包咁貴,自己搵好平。(百幾蚊咋,咁都慳??好,隨你囉)



時為4月,好啦。咁講明俾阿媽你知,要有乜乜物物,咁你買到就買,買唔到,早3日前仲可以落訂補買返個套裝。仲叫阿媽你寫埋係紙度。



好,仲有3日過大禮,阿媽你打去俾未來女婿,問﹕拎過大禮物品當日,你要唔要去。



答案當是不用。(哪敢勞煩你老人家)



好了﹐開始黎料。



阿媽你話,買唔到大發,搵左成個粉嶺都無。



因為,個女唔同你溝通。唔同你溝通,所以阿媽你先搵唔到。(下????)



(我一早話俾你知可以訂埋,你話貴唔訂。你話自己搵,我話好,自己搵就每對意思一對都得,萬一搵唔到,你早於取物品前3日落單啦,都可以加買。你一早知幾時過大禮啦,你識得打電話俾女婿,唔識自己打去買咩???)



個女,唔提你去買,唔提你去搵。



我真係想爆炸!!!!!!



係個女婿面前唱個女。你無野下化。



你買唔到大發,賴個女,唔提你去買??



依家邊個結婚???邊個忙???



小小事,你都做唔到,仲要怪個女唔提你?????



我個心﹐屈到又想嘔!!!



阿媽你,女家乜都要人地有,到你回人一份茶禮都攪唔掂。仲要話關個女事????



阿媽你係咪想推個女入火坑,等個女俾男家怪?????



好在,我個情況係男仔呢邊無所謂,結果,我煉住條頸,扮好聲好氣同阿媽你講﹕



唉,唔好搵勒,你又話你唔舒服,呢排又落雨天氣唔好,無謂四圍走。封茶禮利是算啦。得啦。意思得啦。



大佬,阿媽你有無為人設想過,少少野都要個女提。依家個女幾百樣野,搵邊個提呀???



我自己攪掂左自己野,都唔岩????仲要提埋阿媽你先得????之前你玩試衫已經舞到我團團轉啦,大姐!!!!



一個大發咋喎,要咁樣屈個女,話買唔到茶禮關個女事??????



你有壓力,我有壓力,(我壓力大你9萬倍),你仲咩挑釁我??????



好,又有。



仲有2星期5日結婚。



因為未過大禮,未發親戚帖。ok!!!



老豆話,星期日6月4日會放假,到時四圍去坐坐俾帖人。



我問﹕咁你約左人地未呀???



老豆話﹕得啦。我1號放假先打俾人約啦。要返工嘛。



(下???返工你都會放工架!!!!你星期日打算去人地咁多宅人度,你唔約人,人地一定即傳即到呀???你估你係曾蔭權呀?????)



我話﹕唔係喎,仲有幾日你都唔去約人,人地唔得閒咁點呀???仲有2星期就結婚,咁你點俾帖人呀????我仲要問下幾多人到,編圍喎。



老豆話﹕得啦!!!全部都一定到啦!!!!星期日先俾帖人囉。



(唉!!!你做人幾好人緣我唔知咩???全部人一定到????你連自己個細佬都攪唔掂啦!!!)



我﹕阿爸,我酒席係酒店擺呀,要講好幾多人到,計左圍數,俾錢先架,d人當日先話唔到我都要俾錢架。一萬蚊圍架。仲有2星期就係勒,唔該你幫下手啦!!!!(明明係你地要我d酒席,點解好似係我哀求你幫手咁呀)



阿爸﹕得啦!!!得啦!!!得啦!!!得啦!!!



我﹕啤~~~~~~~~



阿媽話﹕我唔知點開口搵啊邊個邊個親戚呀。



我話﹕下,咁你又話請。我又幫左你問,人地話黎喎。咁你只係去打俾人約時間俾帖咋嘛。



阿媽﹕咁,我上去坐又唔係,約飲茶又唔係......我又好耐無搵人,唔知點咁。



(耐無搵人你又要請人黎,我開口問左人,人地俾面黎,你又唔想俾帖,係咪玩野呀~~~)



上述只係幾家親戚的帖,已經花足我成晚8點至11點時間,去勸佢地快d約人、打電話搵人俾帖。



(你地班人,要酒席要8圍,到俾帖人好似叫你地去死咁。咁唔想請,一早唔好話要咁多圍酒席丫。你個女d錢唔係錢????面你地要威盡,野你地又唔做。仲有2星期就婚期,仲要我去提你地約人俾帖,仲好唔願意咁款。你地算點呀????)



我,好唔開心,唔想返去對住你地。



到底我係咪醫院執錯我返你地屋企架??點解你地做野可以咁離奇、古怪、癲喪?????



點解你地只會為自己諗﹕我要多酒席、多禮金先夠威呀!!!我想請多d人呀!!!!我要拎多幾十打餅請街坊食呀!!!!!我返工呀唔得閒打電話呀!!!!!我好多節目唔得閒理d野呀!!!!!!我買呢d野果d野你唔提我先無買到呀!!!!!!!我想請某某但又唔好意思打俾佢呀!!!!!!!我唔想理野但你做埋我份仲要做得好睇呀!!!!!!!



放過我啦!!!!唔該你地~~~~~



點解由細到大打鬧有份痛惜無份、義務有份權利無份、要求有份賞識無份??????



都算啦。呢8圍酒席係你地開聲要咁多,點解依家好似係我哀求你地幫我搵人返黎飲咁架呢?????



你有壓力、我有壓力,你地仲咩挑釁我???



呢個家,我實在脫離得太遲。



我太笨。
發佈留言

LinkWithin

Related Posts Plugin for WordPress, Blogger...

100 Top Classic Love Songs