搶籌詳記.
唉,我咪係今日拎籌囉,超級恐怖!!!
我咁大個女除左考會考放榜之外，都無試過咁緊張。
7:45分已經緊張心跳、呼吸唔到咁款!!!
我準時8:00:01入個網到﹐load左成分鐘先出到個畫面，(之前試過5-10秒就ok勒)已經非常心急!!!
到個畫面出左，我又驚入錯資料所以唔敢太快速。
入左資料，按繼續，又等左成半分鐘先出揀註冊處畫面。
到揀左註冊處，最煩仲要入果幾個怪形英文字母，果度最花我時間，因為我怕一入錯又要重新黎過!!我呆望左3秒先敢確定係乜字母......入埋，然後按掣。
已經排22號籌、第16個選擇時段......
唉!!!
我果個處理時間係8:02:58........
一見到咁，我已經呆左........我男友打黎問我好唔好改大會堂.......果時大會堂仲有33個籌......尖沙咀3個.....沙田33個......
結果，我都係猶疑左一陣，無改到......因為果時覺得我取消得黎我男友再入都會係大會堂好後的籌....加埋我地係金鐘擺酒....
但我同男友依家都好驚.....驚無下午註冊時間呀!!!!
我地都好唔開心~~~
都唔知係咪真係咁多人結婚，定係有d唔係真.......
邊有可能咁快滿籌???
如果無下午揀，都唔知點算.......
好想喊，估唔到肥老闆都一樣。
我只好安慰肥老闆同埋自己，我地都盡左力勒。算啦，隨遇而安啦......
後記﹕
我要多謝一群朋友幫左我地手，因為好多朋友係明明放假都一早起身幫我地搶埋一份。但是，唔好意思呀，我好無用，搶唔到好籌。鳴謝清單包括﹕
鄭魚露西亞、叻女靚太叻叻、我細佬。(可能仲有其他朋友幫左手但無通知我，如有請告知，一併鳴謝!!!)
仲有肥老闆的朋友--許先生、智偉先生、蔡醫生、肥余先生......及/或其他
唉!!!返工先勒~~~~ |
沒有留言:
發佈留言