真係好緊張，情緒又差，成日覺得好多野未做又無從入手咁。好在今日同事開解我，仲幫我諗點樣解決問題，得佢地提點左真係舒服晒。
返到屋企同媽咪傾左成個幾鐘頭，又解決左d問題。
今日得著好大，將我傾好決定好的打出黎先﹕
1.係粉嶺出門，因此不可以做即日回門。
2.媽咪一定要婚宴時有燒豬分俾女家親戚，折衷辦法係派燒豬券。
3.婚禮第二日回門，4點幾(本來話要3點前先係吉時，點趕呀，仲要還衫、還飾物架嘛大佬，經一輪勸導，中間時辰都算啦)要返到去粉嶺，仲要訂隻大大燒豬(仲有糖果、生果)，本來我話食唔晒，乳豬得啦，媽咪話唔得，食唔晒就俾街坊，隻豬一定要大大隻......無法子，呢d意頭野，要遷就。
4.安床(10am)、上頭(6pm)，17號，肥老闆要請假......
5.上頭人選，多黛夫婦(未問佢地肯唔肯)
6.入門時最理想有人在場，人選為衛斯理夫婦及其可愛兒子(俾佢個仔仔跳新床)，都係未問佢地肯唔肯。
7.入門時新居(男家)要有全盒、蓮子、蓮藕、紅瓜子、利是、最好有金器(是但啦)
8.過大禮，1號星期四(遇時大吉)，未傾，應該要搵結婚易果一類公司勒。
9.搬嫁妝，5號星期一(遇時大吉)，媽咪話要搬紅篋、子孫尺、子孫桶、利器、紅頭、新床套及枕頭、龍鳳被、新睡衣、內衣、諸如此類(媽咪家野，睇怕間中仲可能有野加)
同事一齊brainstorming後其他事項﹕
1.請飲男女家主家席分2圍
2.兄弟姐妹可叫到會或各自食野
3.最好找一個可以信任的人統籌所有工作分配......
其他事項﹕
1.約左年初八試婚紗及晚裝、19號睇褂。
2.買左一件露背珠片直身晚裝，2月中取。
3.之前網上訂的宮廷衫決定會著
4.肥老闆認為我應該著埋件直身旗袍
5.春天有1婚紗2晚裝
| 
沒有留言:
發佈留言