去台灣影結婚相注意事項 (貴package VS 平package)
好開心，快做新娘的姊妹們, 一生人，經歷第一次結緍，在不知怎樣安排婚禮酒席，影結婚相片，禮金，蜜月旅行等問題。 今日心血來潮想起， 想同大家講一講台灣影結婚相片的準備功夫及經歷。
我是香港人，之前在台灣影完結婚相，有以下分享:
1. 去灣仔婚紗展前，真的要做功夫。 要比較一下大概到台灣影結婚相片package包括甚麼。 e.g. HK$8,800, HK$12,000 , HK$20,000 的package 通常包括什麼呢？
不同價錢分別:
a. 通常around HK$8,800影一天相片; 貴package就影2天相片。
b. 平package: 包少d晚裝; 貴package: 包6-8件晚裝(男仕加女仕)
c. 平package: 不包化妝師同行 (只會一早化完新娘新郎個妝, 同set頭便算); 貴package: 有化妝師同行跟車補妝同轉髮型。
一般平package不包化妝師同行費用, 要另加around HK$1,500。 我認為這個費用不能慳。 因為女孩子個妝真的要成日補粉同個頭會比風吹到亂晒。 除非你本身皮膚好好, 同埋梳all-back髮型, 不會比風吹亂頭髮。
d. 安瓶。 所有package都唔包。 安瓶即精華素(essence)。 Around HK$125 to HK$150/支。 原價這些安瓶只值HK$20-40/支。 我之前上網睇過, 有人話, 這是化妝師earn 錢既時候。 所以會叫你用, 同埋通常用10支左右。 分別塗在面上及身上。 有網友話如果唔用, 佢地會黑臉喎。 亦有人話上taiwan yahoo bid, 但到時化妝師都會堅持用佢地果隻brand, 話你自備的不好用等等。
我没有這個經驗, 因為化妝師怕我不懂國語, 不知怎樣跟我說, 所以佢第二天用了2支塗在我的面部。 我男朋友因為唔鍾意任何護膚品塗在面上, 所以無用安瓶。 我認為這個安瓶女生是要用的, 尢其是油性及欠缺水份的皮膚。 不過, 我會在用之前問她大概用多少支。 好讓自己有心理準備。 同埋唔好比化妝師亂黎。
至於男生, 我認為不用也可以, 因為他們的化妝只是輕輕的。 不會浮妝。 清潔樣子便可以。 這也為荷包慳錢呀~HK$125 X 4支=HK$500 ga la。
e. 平package: 唔包住宿及機票; 貴package包住宿及機票 。 一般包括3日2夜。 但是我個人認為最好自己訂, 因為我的經歷話我知。 凡事親力親為便不會激氣。 這個之后再談。
因為比成HK$20,000 package后, 機票訂了長榮airline, 10am回程及家庭式住宿, 真的令人吃驚同失望。(p.s.之前我地話要國泰或港龍, 佢地話OK OK, 家陣??? 好彩佢地唔糸Book 中華airline, 我糸咪要感謝佢地!!)
f. 在灣仔婚紗展, 通常佢地都會話送你好多野, 同埋好好傾, 請大家冷靜d, 唔好因為結婚心情靚而過high。 因為我地兩個就糸咁, 所以即時付了fully payment!!!
g. 平package: 包30張相片(18吋); 貴package包40張相片(24吋)。 額外加照片, 一般HK$250/張至 HK300/張。 愈要得多相片, 便會愈平。 一般會比返已挑選相片既softcopy給你。 這個最好問清楚。 另外, 要問要返softcopy又點計算。
h. 在灣仔會緍妙展, 如何選那一間台灣攝影公司? 當然是上網做定功課找那一間攝影公司, 因為到時灣仔會展有好多人approch你, 會有pressure, 唔知找那間好。 仲有睇吓d相片裡, model 既衫靚唔靚, 娘唔娘。 個妝得唔得啦。 這個好緊要, d衫唔靚, 個女仔幾靚同fit都無用。
但有時候就算網友話點好點好, 總會出現貨不對版, 這個好正常, 因為好多時候當天serve你的人, 未必是serve自己那些人。 又或者上網讚既人, 根本糸佢地自己。 所以都糸睇下好唔好彩。 如果10個有9個都話間攝影公司唔好, 就算平都唔好join。
i. 平/貴package都唔包租車費用。 一般HK$1,000(台北影相), HK$1,500(台南影相) 我認為在台北影結婚相會舒服d。 除非你真的想去影羊, 馬或日月潭等等已銷定既景點。 如果唔糸, 要提醒女仕們,當天穿著禮服既你是很貼身同好緊身。 再加上要困在車上及没有太多野食在拍攝那天, 所以新娘頗辛苦的。 這個就好像穿了一件好緊好緊既gridle坐了一整天既感覺, 我已經是穿Nu bra也這樣不舒服, 所以選景點時, 也要考慮這一點呀。
j. 平貴package包大相既尺寸會不同。 有些包24吋(含框)，有些包30吋(含框)。 這個要問清楚呀。 我見過有d package唔包括大相, 好奇怪!
h. 要問清楚相簿裡的相片是否"全滿版",和 "一体成型"等資料。 通常貴package 是"一体成型"。意思是相片的構圖由左至右是連貫性的，好像magazine裡中間的poster咁，個景是連住的．兩頁中間没有白邊。
"全滿版" 意思是相片印在相簿裡, 没有留空白的。 選直向式相片, 可以做到没有空白。 但糸橫向式相片, 出現上下留白。 網友話, 18吋相簿做唔到滿版, 要24吋先做到。 我没有研究點解。 大家join wedding foto plan時可多口問下。
i. 好多時影結婚相片, 我地都會比原本既package挑多d相片。 大家請記得問清楚額外加的相片, 例如要HK$300/張。 是否已包括"執相"。 還有, 相片挑得太多, 要額外用多一本相簿, 要不要另外加錢。 我見過有網友話, 要多1本photo album需要多加HK$16,000。 Wa~失晒預算啦。
======================================================================
去台灣影結婚相前, 建議準備以下用品:
For Girl
1.Nu Bra. (or/ and粗邊膠紙)
因為唔知當日去到台灣會選邊d款既婚紗及晚裝. 有d款可能露背. 有時候唔糸你想要sexy, 可能糸間攝影公司既衫唔得, 你都要迫住要選e d衫, 走性感路線:p
同埋, 你要諗吓, 所有的婚紗及晚裝會改到好貼身. 新娘坐在車上整天穿住那麼緊的婚紗會好辛苦. 如果還要穿gridle的話. 腰間及心口是最辛苦, 令人呼吸及吃東西都有可能不舒服.
一般女仔都不懂用Nu Bra. 如果自問shy, 唔想embrassing比人睇晒個body, 咁就穿定Nu Bra才出發到婚紗店. 首先, 自備一些粗邊膠紙., 貼好Nu bra后(請看說明書) Then貼多兩大條膠紙在胸下面, 從兩邊胸貼. 咁様會有好身材既效果. 貼之前要在家多多pratice ah~
2. 一條好d既內褲 (我選了一條平腳的)
因為試衫時, 都會好自然naked. 暫時當自己糸model :) . 若果褲仔超old的, 就真糸embrassing la~
3. 帶mask去fu. 希望個妝貼d.
4. 帶一對高跟鞋拍攝用的. 尢其是要穿短婚紗的新娘.
5. 波鞋一對. 拍晚裝及長尾婚紗時用. 因為裙子太長, 不會見到裡面是波鞋.
6. 涼鞋一對. 因為去台灣影相, 好多時都會去下湖邊, 海邊, 人工做既公園影相, 都有好多水既風景會拍到. 除非你講明一定唔要拍這些, 否則, 雙腳會濕.
7.自備多d錢. 一生人一次結婚, 好多時拍下來的相片那麼美, 女生當然想要多d相片留念. 第二時, 生完bb或者年紀漸大, 真糸影唔返咁fit同靚,
8.用一個大既旅行喼. 以上既Nu bra and shoes 已經佔了喼好多空間.
9. 影相當天, 自備少少蛋糕仔及水. 因為真糸無乜野食. 雖然拍攝那天都不會有胃口吃東西, 因為裙子太緊. 但帶定安全d.
10. 厚外套 (若拍攝時間在秋天, 冬天). 在高地拍攝, 天氣會有很大的差別. 女孩子真的會冷到震. 男生要多多体諒喔~
11.有些人會自備想出鏡既物件帶去台灣拍照. e.g. rings, toys and some memorable stuffs.這視乎個人喜好. 我没有帶我心愛既戒指去, 因為在台灣拍照, 真糸要爬, 跳, 跪. 訓. 又會濕水, 萬一我隻戒指"花"晒及"氧化"點算. @_@
12.香港人既你, 在網上申請台証是free on charge. 落地簽証要比錢.
13. Search 吓, 台灣那邊有無d乜野promote比旅客, 例如送攸遊卡之類. 我剛剛miss 了這個chance. 蝕晒!
14. 如果你地join 了 2天拍攝既package, 又stay behind in Taiwan few days. 建議買返張攸遊卡坐車, 抵d.
15. 帶備一條看巾, 因為會濕腳, 所以要用.
16. 可以做定功課, 找一些有關怎樣set頭既picture. 萬一溝通唔到, 都可以比張圖化妝師睇ma.
For Boy
1. 黑, 白sock各一. 通想會有一套黑, 一套白西裝拍照
2. Causal Wear. 男生可以穿牛仔褲, T-Shirt影相.
3. Bow Tie. 如果婚紗店d配件奇怪, 也有自備正經一點的Bow Tie救吓你.
4. 涼鞋
5. 波鞋
返回首頁
沒有留言:
發佈留言