竟然輪到肥老闆覺得有壓力......wedding feeling

肥老闆話﹕呢幾日都訓唔到、訓唔好，成點幾訓、五點幾就醒喎。

反而，隨住事情一件一件攪掂左，我覺得好輕鬆，至少無咁心煩。



日日都好想大覺訓~~~



佢話佢有壓力喎。



唔通我俾得太多野佢做??



肥老闆要做的事情尚有﹕



試男仔衫、取車花、睇旅遊書、俾旅遊尾數、買簽名筆(我講明，如果佢唔得閒等我買，買幾支筆，貴極都係差幾蚊咋嘛)、提紅酒公司及生果欄送貨到酒店、final confirm幾個賓客是否出席(圍我已經編左，佢地唔得閒就大家再調動一下坐鬆動d囉)、利是分配、安床上頭、車花佈置。



我要做的事情尚有﹕



明天去醫院照胃鏡、星期二試衫+發帖俾好友淑婷+向samming/nat借取物資、星期四去做水晶甲+搵鞋+搵飾物+表細油畫框、星期六先送相簿油畫相架去酒店+揀飾物+取褂+取男禮/媽咪衫+取婚紗晚裝、上頭。通知酒店入席名單、print物資表+出席表+rundown+婚宴程序+人情表、收拾物品pack箱/袋、利是分配、mua及褂尾數。



仲有一日星期三，可以做下文件工夫。