頂廣告

2010年4月5日星期一

好嬲~~~唉!!!!!!

我今日為另一件事唔多開心呀!!!




事緣係,之前發帖時,阿媽堅持話親戚果d帖只要夾唐餅同西餅咭,唔要夾利是。



佢仲連我男友用$20封回禮都叫唔好夾咁多。我地無理佢,結果我自己朋友同事全都有西餅同利是$20,佢要果8圍我照佢意思做。



今日佢俾帖某d親戚,人地晏晝打黎話:"你唔好介意我咁講,點解你個女d帖無利是"

我阿媽就打黎質問我(我放工途中)。



大佬,又係你話唔夾,依家你唔係即時話你意思,竟然係收左線問我???



我係mtr度,好鬼嬲,我話﹕係跟你意思做架嘛!!!你話寧可夾唐餅加西餅,夠大體,唔需要夾利是。又話無唐餅俾親戚人地會怪嘛。



佢竟然話佢講過咩??唔記得。



我真係好嬲,大佬,唔聽你講又話唔同你溝通、俾你鬧到狗血淋頭,同你講過、解釋過,你要堅持,咁我跟你意思做,依家食死貓俾人怪,又竟然話唔記得自己講過。想點呀!!!



佢竟然問返我點做好!!!



我真係嬲,話,點呀,咪同佢講回禮利是丫嘛,當日佢地黎我先連燒肉券回囉!!!



佢竟然仲話,你唔好問我丫嘛,你明知我唔識野!!!!!!



佢竟然話,咁不如未發帖果d夾返落去。但係帖已經發左一半,咁條數到時點計呀????人地幾兄弟,你唔通有張帖有、有張帖又等擺酒先俾呀????



我真係覺得好嬲,唔係因為單單呢件事,而係好多野我明明做晒research,合禮節,佢覺得唔係,係都要你跟佢意思。咁都算啦!!!(好似果d上頭套裝,係都話佢當年係搬嫁妝跟過男家,明明說明書都唔係咁寫。成日都話,佢結婚時係咁係咁......佢結婚時又識d乜???連對結子石榴乾左都留咁多年,仲叫我晒乾佢留!!!!人地賣結婚用品都唔係咁做!!!!!!)



有鑊,竟然可以失憶仲問返我轉頭。唔跟佢意思,唔問佢意見自己攪,又話我唔同佢溝通,仲因為咁發左我好多次脾氣。問佢,跟佢,出左錯,竟然仲話﹕我唔識嘛,你仲咩問我!!!!點都係卸責任係我度。



講真,十皮廿皮利是,親戚30張帖,豪極都係6舊水,依加我俾唔起咩???我明明做岩,因為跟阿媽意思,無端俾人話無利是,責任推埋係我身上,我真係激氣!!!!!



講呢句說話果個咁親戚又係離譜,唐餅西餅加埋都成80蚊,佢又未做禮過黎,咁都可以一句話人無利是!!!!



好嬲~~~唉!!!!!!

沒有留言:

LinkWithin

Related Posts Plugin for WordPress, Blogger...

100 Top Classic Love Songs