唔容易!!
幾困難!!
不過,都要做。
改變心態,同自己講,唔好緊張,物質上、安排上有乜野問題,是但啦,總有野代替到。
最重要,老公同我一齊,開心、健康!!
其實都有少少擔心......
相簿造得唔靚點算??唔怕,有婚紗mtv。
簽名布唔靚點算??唔怕,用酒店果本中式簽名冊囉!!仲好,連買油性筆都慳返,呵呵!!
d人坐唔齊點算??算啦,由佢啦,反正d錢都係已出之物。
總之,我要開心。果日,要笑多d、要靚d。我同屋企人講,果日3姑6婆講乜、彈乜,唔該唔好話我知,我已經盡我所能安排最好的俾佢地。問心無愧。
其實,我都準備得好好啦。
之前覺得好多野都好難、好煩,結果咪又係過左、完成左??
我覺得最困難係......兩位......,小小事、互相怪責、挑剔、推諉,真係好煩,好似今日又嗌勒,我柔聲叫極唔好啦、開心事嘈咩呢。都係唔聽。
要我大聲喝句,好勒下,我已經鍊到燈芯咁頸勒,日日早出夜歸,依家唔係我話要8圍酒架,唔齊人關我咩叉事???蘇州c唔駛你地攪,你地仲要嘈????
係要咁先收聲。
我喝完,沖完涼出黎,當無事,咁又好地地。
對住佢地,少d EQ都會暈低!!!!!!!
仲有好少時間就到,忍忍忍!!!!!
笑笑笑!!!!
沒有留言:
發佈留言