取相簿油畫記

今天傍晚下列貨品已到我們手上﹕






1.簽名布24x50





2.油畫24x30





3.14x14電腦相冊





4.10x15雜誌相冊3本





5.水晶5x7一個





6.若干塊uv coating...











單據上寫要收$2656連托運費，我們沒有散紙只有$2670，所以不用彭先生找贖了。











基本上，我們滿意貨品，不過有一個幾大的問題，





就係，1.無左隻底片檔案dvd呀!!!!!!!!!!!!!仲有呢，個油畫框我係要金色既，依家變左白色囉!!!!!










彭先生答應我，會一方面請用ftp把我部分檔案掛上網，並通知我朋友maymay下載。另一方面，會盡快叫速遞送到香港給我的朋友。










問題係﹕










我朋友星期一下午3點半後要外勤......而她又要星期二給我己製成的mtv。彭先生說肯定可以ftp我部分檔案上網的，又盡量使速遞公司星期一下午3點半前送到我朋友手上。










但係我返左黎，仲未見到公司有人上網，個心好焦急......我真係好趕住用d檔案，好想我朋友快d收到，如果唔係我趕唔及係我下星期的婚宴播放......






















個油畫框的問題，因為我趕住交張油畫去酒店，咁我同彭先生講左，佢都同意，先讓我帶油畫去完成婚宴，下次彭先生到香港時，接回這張油畫回去你們公司，無收費替我換回金色框，我問彭先生咁你地下次又收我托運費嗎???佢好老實話唔會，速遞今日漏左的dvd去香港都唔會收我運費。






















就係咁勒......






















不過呢﹐我返到屋企仲發現有其他問題。










1.塊簽名布個底色﹐一直以為係橙色，不過出黎變左黃色，頭先點貨時唔覺。呢個可能係電腦顯示器色差問題。我本身想要係粉橙色的。不過算啦，唔夠時間改勒。










2.雜誌相簿的相片，我相信在貼相片時、塗膠水時不均勻，已經開始有少少中間谷起、浮起、不平的情況。唔知可以點算好??










3.幾本相簿的淋膜，比香港常見的薄，保護作用比我想像較低，已經有幾張有少許花了。早知我會選用相簿封面/封底的coating膠膜。好後悔呀!!!!!!!!!!!想喊~~~~










4.ml那本相簿，至少有2張相沒有執好，眼袋位置變了有條白痕，細心看出來都幾肉酸。(第5版紫色底右手邊白色電單車合照、第11版左面城堡合照)










5.油畫背面沒有替我加條電線，好難掛起呀。











話說回來，又有d野值得讚揚﹕





1.準時交貨，肯趕工，好禮貌，暫時都令我感覺佢地肯負責任。





2.相簿的照片顏色鮮艷，真係好靚。果塊簽名布，我地套古裝d金銀線龍鳳繡花，好靚好清晰。





3.有交帶，提醒我簽名布用絹起絲，提議改用油畫布，結果油畫布效果幾靚，顏料夠厚，滿意。





4.聖經/電腦相冊質素唔錯。





5.雜誌相簿的封面封底都夠厚，做得靚。





6.可以依據我地意思排版，出黎效果好鮮艷、好靚。單睇相片好有水準。





7.細心﹐知我要找coating，給我一些大小不同的，令我開心。





8.水晶相雖然係送俾我，都好精美。(如果送多兩個俾我會更開心囉。呵呵。)





9.照片輸出果然係靚，真係好sharp、耀目。











今次咁大張單，我覺得暫時都值85分以上，都值得推薦俾香港的朋友仔。





不過，如果間公司盡快攪掂我頭先發現的問題，(尤其係我果d底片檔案!!!!要救命架~~~)咁我會更加開心囉!!!!