訂傢具及過大禮套裝
昨日等肥肥放工,之後,去食左個好貴多道菜的西餐。
其實都幾鬼浪費,因為我根本食之無味,在努力地砌/理解個 rundown。
新世界中心是不是不夠人流,消費滿99便可免費泊車2小時。
跟住,我去新世界百貨蹺了一個圈,除了化妝品部外,其他實在無甚可觀。(如果買公仔tee都仲可以既...)
等肥肥行完大運,去看梳化、床褥,落訂。安排6月初送貨。
然後還有時間,步行去百利,訂過大禮套裝。
其實都唔便宜喎。男套裝338、女套裝238。送埋上頭套裝。不過費事煩。好在老闆娘肯俾我用2對喜聯換大紅新娘傘。另外訂左撒紅傘紅米,未買的金龍鳳碗筷。
尚欠﹕
全盒﹕結婚當日用,先用作敬茶,跟新娘走,放新房。
龍鳳餅﹕2對。過大禮當日男家送,女家回1對。上頭用。
8種雙份生果﹕過大禮當日用,男給女家。要回。
大發﹕2斤一個。
煎堆﹕1對。
紅包﹕1對。
鬆糕﹕1對。
女家回,男家全吃用。
海味利是封。
舅仔鞋利是。
禮餅盒﹕過大禮用。
皮帶、銀包、褲利是。女家回女婿。
咁多野,有少少懷疑肥肥可唔可以一次過拎咁多野。點算呢﹖果日係平日喎,都唔知邊恕搵人幫手。
沒有留言:
發佈留言