對結婚的一點感受 |
| |
近日對結婚的一點感受~~~~~ 一個星期之內發左好多次脾氣，事緣是，原來我3月4日要上網登記註冊結婚!!! 之但係，我3月2日要入醫院做腸鏡小手術...... 我覺得好大壓力，叫人幫手登記又唔知可以搵邊個...... 肥老闆呢???一直都大安主意!!!!!唉!!!經典句子包括﹕ 1.我咁多次做兄弟都唔駛開會、唔駛做野，唔好意思叫兄弟做野喎!!!(你做兄弟係同人地出花車丫嘛!!!!咁唔通我同你兄弟佢地唔熟由我開聲咩??) 2.去拎西餅???金鐘無聖安娜喎，灣仔先有，咁不如我當日去拎啦!!!!(咁不如我著埋套婚紗同你一齊行落去拎西餅丫!!!!) 3.我部電腦個java死左登記唔到esd呀﹗乜你唔係叫你個同事幫手咩﹖(自從張文同飯焦開火後，我一早話你聽我地個個做到人仰馬翻啦!!!!你大把男人網友電腦又勁，你係要等我公司個可憐楚楚文員姐姐幫我整電腦????你估我好唔好意思開聲丫????點解乜都旨意我先!!!!!) 4.乜唔係11點入門咩???(大佬呀,你影印左份時辰安排表架......揀日子時辰又係你話既,仲要我一個女仔面懞懞咁上去揀日子勒，依家你又唔睇，算點呀!!!) 5.你仲唔去問酒店下一期訂點俾????(又係我????我公司靜到蚊飛過都聽到，你又唔係無時間，你又叫我打???出錢又出力，係咪到時我通知你結婚當日準時到就得?????) 或者我真係對佢期望太大???又或者我唔應該揀一個唔識統籌的人?????佢又要俾意見，化妝、試衫又要等埋佢，但係佢又無假期喎(一個星期半日，仲要好多時係唔得閒既，有時間佢又喜歡去睇下車睇下模型試下車食下野，咁叫做輕鬆一下......) 想起男家一切、想起自己出錢擺酒，我真係覺得好委屈!!!!攪乜要咁先????好多野唔係老奉架!!!!! 有時發癲咁諗，我依家咁同結婚當日搵個肯娶我的男人簽個名、婚紗相key個頭，無乜分別!!!!! 肥老闆，雖然我年紀唔細即，你都咪以為得你一個想娶我喎!!!!!!你最好緊張少少呀下!!!!!! .... |
籌備婚禮點滴目錄 (Wedding planning) |
 |
| 中國傳統婚禮習俗: | |
| |
|
沒有留言:
發佈留言