頂廣告

2009年9月6日星期日

結婚用的嫁女餅小貼士

嫁女餅




根據中國傳統,結婚派餅是不可輕率的一環,是顯出對該婚禮的重視和隆重程度。男家過大禮時送的禮餅(嫁女餅),女家會分派給親朋好友隆重其事,所謂派「嫁女餅」,向親朋好友宣佈女兒將出嫁的喜訊。派禮餅可就親疏長幼輩份而定派餅數目,亦可分四式、六式及八式,取其成雙成對的意頭。



小貼士一

‧ 一律以雙數計,代表好事成雙 ;

‧ 傳統上,一些較疏之親友而不用派帖請飲的,可淨派禮餅,派餅一般最小派兩個,俗稱「雙扁」;

‧ 輩份較親的可派斤半(六個)或兩斤(八個) ,現時派餅以六個最普,市面上的唐餅券亦多是半打庄的。



嫁女餅是好重要的, 是不可以用西餅代替 (記住啦!!) ~~~
 
 
貼士二
 
今年年底結婚既我,而家都努力籌備緊婚禮既野,其中一樣重要既項目,就當然係派帖啦﹗上網睇過好多資料,我知道派餅咭其實就係代表通知親友結婚呢個喜訊。因為時代唔同左,而家大部份新人都會貪方便,用西餅取代傳統的中式嫁女餅,因為西餅分店較多,價錢亦同比較大眾化,但係好似我媽咪咁,就會想派一d中式喜餅俾較親既親人,因為比較傳統,而近幾年中式禮餅包裝都好精美,望落去好有氣派同埋體面,加上老字號中式禮餅店都有好多間分店,周圍都有分店,就算親友去換都好方便,所以我都打算結婚既時候派中式禮餅,等老人家開心一下﹗而除左中式禮餅,我知道有餅店仲有席上禮餅,其實同回禮禮物都係差唔多,係用一個繡左花既錦盒裝住個餅,感覺都grand得黎又有d 傳統,有d modern chinese feel,同我地擺酒既場地好match,所以我都可能會用埋席上禮,咁就唔駛再為回禮禮物煩,大家都可以考慮下丫~~
 
 
貼士三
 
大家要注意,女家派喜帖要付上餅咭,而男家派既唔需要,因為女家派餅係要令親朋知道出嫁既喜訊。


男家係過大禮時送上預先傾好既喜餅數目,以示對女方既專重。

沒有留言:

LinkWithin

Related Posts Plugin for WordPress, Blogger...

100 Top Classic Love Songs